Urrun ugariren lagun isil, senti ezazu
nola zure hatsak duen oraino gunea handitzen.
Zaitez soinu ezkila-uztarri ilunen
zuraje-erpinean. Zugan haziz doan hazkurria
Indar bilakatuko baita elikagai horretaz.
Heldu Eraldatzeari, sartu-irtenean aldikal.
Zein duzu bizipenik oinazetsuen?
Edana mingots bazaizu, bihur zaitez ardo.
Desmasia-gau honetan balia belagile-ahala
zeure zentzumenen bidegurutzean,
berorien uztarketa arraroaren zentzu izan.
Eta lurrekoak ahantzi bazaitu,
Esan Lur isilari: badarit.
Mintza uholdeari: banaiz.
Rainer Maria Rilke
«Orfeoren sonetoak XXI», Joxe Austin Arrietak euskaratua Irati Jimenezen Begiak zabalduko zaizkizue (Elkar, 2021) libururako