Mississipi, zuk gordetzen dezu langile beltzen izerdia

2020-11-08

Mississipi, zuk gordetzen dezu
langile beltzen izerdia;
zure ur nastu oriek dariote
Aprikako kutsu ta usaia.
Jo ta jo, etengabe,
bururikan jasotzeke,
langile beltza ari da
nagusi zurien mende.

Mississipi, Ameriketako
beltzen neke gorri astuna;
au da zure urak daramaten
negarrezko doinu iluna.

Euri ta aterri, beti neketan;
langile beltza izerdi-patsetan,
lanean urkatzen ibai-ertzetan.
Nagusi zuriak,
zorrotz begiak,
aien gain daude,
gau t’egun erne,
zigorra astinduz
errukirik gabe.

Langile errukarri,
lanean zintzo asi adi.
Ai! bestela, or dek
zurien zigor
minbera ori.

Au da langile beltzen aidea:
bizkarra makur, beti nekea,
Mississipiko zurien legea.

Nemesio Etxaniz

«Mississipi ibaiko legea», 1959

Eguneko laborariak kotoi bilketagatik ordainduak izateko zain Mississippin 1939. urtean