Eta Baztanen
udazkeneko urregorriz jauntzirik
Amaiurko gazteluaren egoitza datza
zazpi jauzietako azken urrats
gure nahikari galduaren harrizko hatza, 

inguru minguru
fagoak, saiak eta artaldeak
gure kondairan denak dira hondarrak, 

eta ilunabarrez harri artean
ametsak ximel
oroitzapenak ihes
laminen kantak mutil dantzan, 

ai, Baztan!
Bidasoaren ohako
urrin gozo, doinu leun
zu zara
gure oihartzun minduaren laztan.

Jose Angel Irigaray

«Eta Baztanen», Kondairaren ihauterian, Caja de Ahorros Provincial de Guipuzcoa, 1978

Amaiurko airezko argazkia, 1980ko hamarkadan