Hondar gabeko butzu sakon batean
eman zuen bizia Arestik ere
heriotzak etenik anisko sare.
Haren ordainez leiza bete zen pean 

ta gainezka dirau hor desegin gabe
berriz gizentzen dela hutsunez bada,
harako baita hainbat seme t’alaba
erorlekuak galtzen ez badirade. 

Egunduko alzaigu beheko gaba
iganikan goraino basoan zehar
bihotzean den mina dadin ezaba,

dadin zeharo garbi zuhaitz ta lahar!
Soroaren ederra ageriko da:
aihenak berdez tente zorion dakar.

Alfonso Irigoien 

«Beti», Agiriak: Euskal poetak eta artistak G. Aresti-ren omenez, Gipuzkoako Aurrezki Kutxa Probintziala, 1978.

Aurrerago, Irigoienek bere Orbel eta orri (Egilea editore, 1980) liburuan argitaratu zuen