Zohardi zan,
Pigalle-zeruan izarrak
phiztu ziran
—puten sabelean arno beltza botz-kantuz. 

Nihaur kaleetan
aitzina, horditu ezina
puten arno kantariaz… 

…egarri
zure bilha, Raymonde,
gabats ederra barez bar. 

Raymonde, soin humoa, mahats humel!
Pigalle-ko mahastietan,
arno indazu nire ahorako
zazpigarren goian izarrak
dakhuszkidan!

     Jon Mirande

«Pigalle», 1951

Emakume biluzia galtzerdi berdeekin, Egon Schiele